♦ 24న ‘ముకుంద’ వచ్చేస్తున్నాడు

24న ‘ముకుంద’ వచ్చేస్తున్నాడు

GNR_7823

ఈతరం కుర్రాళ్ల భావోద్వేగాలు, జీవితం పట్ల వాళ్లకుండాల్సిన స్పష్టత ప్రధానాంశాలుగా పట్టణ నేపథ్యంలో సాగే చిత్రం ‘ముకుంద’. మెగా బ్రదర్ నాగబాబు తనయుడు వరుణ్ తే్జ్ హీరోగా పరిచయం అవుతున్న ఈ చిత్రంపై భారీ అంచనాలున్నాయి. ‘కొత్త బంగారు లోకం’, ‘సీతమ్మ వాకిట్లో సిరిమల్లె చెట్టు’ చిత్రాలతో తనకంటూ ఓ ప్రత్యేకమైన శైలిని ఏర్పరచుకున్న శ్రీకాంత్ అడ్డాల దర్శకత్వంలో ఈ చిత్రాన్ని  ఠాగూర్ మధు సమర్పణలో లియో ప్రొడక్షన్స్ పతాకంపై నల్లమలుపు శ్రీనివాస్ (బుజ్జి) నిర్మిస్తున్నారు.
ఈ చిత్రం కోసం ప్రస్తుతం  హైదరాబాద్ లోని నానక్ రామ్ గూడాలో ‘అరరే చంద్రకళా… జారెనా కిందకిలా..’ అనే పాటను చిత్రీకరిస్తున్నారు.
ఈ సందర్భంగా నిర్మాతలు మాట్లాడుతూ – “సిరివెన్నెల సీతారామశాస్ర్తి రాసిన ఈ పాటను వరుణ్ తేజ్, పూజా హెగ్డేలపై చిత్రీకరిస్తున్నాం. ఈ పాటకు రాజు సుందరం నృత్యరీతులు సమకూరుస్తున్నారు. సోమవారంతో ఈ పాట షూటింగ్ పూర్తవుతుంది. ఈ చిత్రానికి మిక్కీ జె.మేయర్ పాటలు స్వరపరిచిన విషయం తెలిసిందే. ఇటీవల విడుదల చేసిన పాటలకు మంచి స్పందన లభిస్తోంది. స్వరాలు మాత్రమే కాదు… సాహిత్యం గురించి కూడా ప్రత్యేకంగా చెప్పుకుంటున్నారు. ఈ నెల 24న  ఈ చిత్రాన్ని విడుదల చేయడానికి సన్నాహాలు చేస్తున్నాం” అని చెప్పారు.

WordPress theme: Kippis 1.15
Menu Title Menu Title